ЕКТОИН – заштита дизајнирана од природата
Vulkan

ЕКТОИН – заштита дизајнирана од природата

Солените езера и пустините претставуваат едни од најнепријателските околини за живот на светов. Просто е неверојатно дека под овие екстремни услови се развил и опстанал живот уште пред милиони години. Високо прилагодливи бактерии, т.н. екстремофилни микроорганизми растат, се размножуваат и се спротивставуваат на сушата и екстремните температурни разлики.

Супстанцијата одговорна за оваа отпорност е наречена Ектоин, кој ги штити клетките на овие организми од штетните влијанија на околината.

Ектоинот за прв пат е откриен во 1985 година и од тогаш е детално истражен како супстанција која ги штити клетките.

Исклучителните заштитни својства на Ектоинот денес наоѓаат примена кај многу разновидни медицински и фармацевтски производи. Од 2001 Ектоин е добро позната активна состојка и во многу козметички производи.

Исклучителните својства на Ектоин

Ектоинот ја штити слузокожата на очите, носот, белите дробови, устата и грлото. Исто така ја зајакнува нејзината природна бариера и заштитува кожата од штетните ефекти на алергените, прашината, темературните промени и дехидратација. Фото-заштитниот ефект на Ектоин врз кожата е подеднакво важен, затоа што ја заштитува кожата од штетните дејства на сонцето.

Ефектот на Ектоин не е само заштита од надворешни влијанија, туку и внатрешно обновување, а воедно ги спречува и смалува инфекциите.

3 клучни факти за Ектоинот

Ектоинот има против-воспалителни својства.

Клинички е докажано дека Ектоин ги ублажува воспаленијата на кожата, епителот од респираторниот тракт (нос, уста, грло и бели дробови) и површината на очите. Поради овие својства, значително се смалува интензитеот на симптомите од атописки дерматит (егзем), алергии, сув нос или очи, како и кашлица и настинка.

Ектоинот штити од алергени и други надразнителни честички.

Ектоин го стабилизира епителот, што е исто така клинички докажано. Ако епителот е стабилизиран, на алергените и другите надразнителни честички ќе им биде потешко да продрат преку него и да предизвикаат штетни ефекти во телото. Едноставно кажано, користењето на медицински и фармацевтски производи со Ектоин штити од интензивирање на симптомите во носот, очите или белите дробови. Во козметиката, Ектоин го забавува стареењето на кожата предизвикано од надворешни фактори.

Ектоинот има долготраен ефект.

Ефектот за хидратација на кожата по 12 дневен третман трае дури 7 дена откако ќе престане третманот.

Ектоин во аптеката Лајфлајн

  • Прашајте ги нашите вработени кои производи содржат Ектоин
  • Нашиот стручен тим стои на располагање со совети за примена на медицински, фармацевтски и козметички препарати кои содржат Ектоин
  • Може да одговориме на сите Ваши прашања во врска со производи кои содржат Ектоин.

Потекло на Ектоин

Ектоинот е мала органска молекула која се создава и акумулира во т.н. екстремофили, односно микроорганизми кои живеат и се размножуваат во екстремни услови на околината. 

Оваа мала заштитна молекула има голем ефект: таа ги стабилизира и одржува биолошките структури како што се мембрани, протеини, ензими и ДНК и ги штити екстремофилите од штетни влијанија на околината како што се температурни промени, високи концентрации на сол, силно УВ зрачење или дехидратација.

Ектоинот е амфотерна молекула која врзува вода што е компатибилна со клеточниот метаболизам без негативен ефект на биополимерите и физиолошките процеси.

Производство на Ектоин

Ектоинот се произведува преку ферментација во биореактор, преку култивација на специфични, не-ГМО соеви на бактеријата Halomonas elongata. Откако ќе се постигне доволна концентрација на Ектоин во реакторот, започнуваат процесите за пречистување и преработка, кои се состојат од микро/ултра филтрација, електро дијализа, хроматографија, сушење и кристализирање.

Примена

Природниот механизам на дејство на Ектоин може успешно да се користи во третман на заболувања поврзани со оштетена слузокожа, солзен филм или кожа, односно симптоматски третман на алергии, кашлица и настинка, болести на дишните патишта, сув нос, суви очи и воспалителни болести на кожата.

Капки за очи

Нежниот третман на алергиски конјунктивит се состои од иновативни капки за очи кои содржат 2% или 1% Ектоин, кои дури може да постигнат превенција на конјунктивит. Капките за очи кои содржат Ектоин ги ублажуваат и смируваат симптомите како што се црвенило, чешање и солзење на очите и ги штитат очите од алергени како што се полени и други честитки во воздухот. Капките за очи со Ектоин се погодни за лица кои носат контактни леќи, деца и лица со чувствителни очи.

Кај суво око, капките за очи со Ектоин ја поттикнуваат регенерацијата на сувата и иритирана конјуктива и ја заштитуваат од натамошно оштетување така што го стабилизираат липидниот слој од солзниот филм, со што ги навлажнуваат сувите и иритирани очи, а воедно ги ублажуваат и симптомите на печење и чешање на очите.

Спрејови за нос

Спрејовите со нос со концентрација од 1% или 2% Ектоин ги ублажуваат вообичаените симптоми на алергиски ринит како што се чешање, кивање, течење или затнат нос. Ја стабилизираат слузокожата на носот и ја штитат од различни алергени на природен начин.

Спрејовите за нос со 2% Ектоин може воедно да се користат и за третман и превенција на не-алергиски ринити и риносинузити во склоп на настинка. Ектоинот го смирува воспалението на слузокожата во носот и синусите и ги ублажува симптомите на настинка. Може да се користат како кај деца, така и кај чувствителни лица.

Пастили

Пастилите со Ектоин формираат заштитен и навлажнувачки филм врз иритираната слузокожа од устата и грлото и го ублажуваат воспаленото и зарипнато грло, односно болното голтање. Ефикасно ги ублажува воспалението и иритацијата на слузокожата поради кашлица и настинка, престој во климатизирани простории или прекумерно зборување. Пастилите со Ектоин исто така имаат и превентивно дејство, затоа што Ектоинот ја стабилизира бариерата на слузокожата во устата и грлото, со што ја смалува опасноста од бактериски или вирусни инфекции.

Спрејови за уста и грло

Спрејовите за уста и грло со Ектоин ги ублажуваат вообичаените симптоми на кашлица и настинка како што се воспаленото и зарипнато грло, односно болното голтање. Ектоин го ублажува воспалението на епителот во устата и грлото и ја стабилизира бариерата на слузокожата. На тој начин, го смалува времетраењето на кашлицата и настинката и штити од дополнителна инфекција. Спрејовите за уста и грло со Ектоин исто така го смируваат чешањето на непцето предизвикано од алергени.

Козметички производи

Кремите кои содржат Ектоин се користат за симптоматски третман на воспалителни кожни болести, на пр. егзем (атописки дерматит), псоријаза, контактен дерматит или радио дерматит. Ектоин ја поттикнува регенерацијата на кожата, штити од ново оштетување, го намалува црвенилото и ја прави кожата мазна. Одредени производи со Ектоин дури го ублажуваат и чешањето предизвикано од воспалителни кожни болести..

Ектоинот во козметички производи ги штити клетките на кожата и спречува нивно оштетување. Ја подобрува хидратацијата на кожата, нејзината еластичност и структурата на нејзината површина. Затоа, Ектоин е една од најупотребуваните anti-age состојки во преку 200 козметички производи ширум светот.

Раствори за инхалација

Овие производи го користат синергетскиот ефект на Ектоин со добро познатите раствори на природна, морска сол за смирување на воспалителните реакции во дишните патишта.

Растворите за инхалација со Ектоин може да се користат со сите вообичаени уреди за небулизација. Аеросолот добро се поднесува и може да се користи на дневна основа за дополнителна терапија на болести како што се на пример Хронична Обструктивна Белодробна Болест (ХОББ) или астма.

Механизам на дејство на Ектоин

Ектоинот е мала молекула, која од хемиска гледна точна претставува дериват на аминокиселини, со козмотропични својства. Космотропите придонесуваат за стабилноста и структурата на меѓусебните реакции вода-вода.

Ова значи дека Ектоинот ги поттикнува молекулите на водата поволно да реагираат меѓу себе, но исто така ги стабилизира и меѓумолекуларните интерреакции на биомолекулите како што се на пример протеините.

Во биолошките системи, ова значи дека Ектоинот се опкружува себеси, но исто така и соседните протеини или клеточни мембрани со слој од вода. Оваа структура се нарекува Ектоин Хидро Комплекс.

Овој комплекс е многу постабилен поради зајакнатите водородни врски. Молекулите на вода се движат многу побавно во површинскиот слој на хидрокомплексот.

Самиот Ектоин ниту реагира со протеините ниту навлегува во клетките. Поради создавањето на Хидро Комплексот со вода, Ектоинот ги стабилизира клеточните мембрани и липиди, со што ја поддржува нивната флуидност. Токму поради ова својство, Ектоин го заштитува човечкиот епител од алергени и други штетни супстанции.

Биомолекулите како што се протеини се зајакнати во нивната природна структура, со што се овозможува нивната непречена активност.

Референци за Ектоин 

Механизмот на дејство и клиничките ефекти на Ектоин се истражени во бројни научни студии. Во прилог подолу се дел од нив:

 Алергологија

  1. Eichel A, Bilstein A, Werkhäuser N, Mösges R. (2014) Meta-analysis of the efficacy of ectoine nasal spray in patients with allergic rhinoconjunctivitis. J Allergy (Cairo) Epub
  2. Sonnemann U, Möller M, Bilstein  A. (2014) Noninterventional open-label trial investigating the efficacy and safety of ectoine containing nasal spray in comparison with beclomethasone nasal spray in patients with allergic rhinitis. J Allergy (Cairo) Epub
  3. Sonnemann, U. and Sonne. (2013) Die nächste Generation der natürlichen Heuschnupfen-Produkte. pharmaJournal , 36. (GENERIC) 
    Ref Type: Magazine Article
  4. Salapatek, A, Bates, M, Bilstein, A, and Patel, D. (2011) Ectoin®, a Novel, Non-Drug, Extremophile-Based Device, Relieves Allergic Rhinoconjunctivitis Symptoms in Patients in an Environmental Exposure Chamber Model.  Anual Meeting 2011.
  5. Salapatek A, Bates M, Bilstein A, Patel D. (2011)  Ectoin®, a Novel, Non-Drug, Extremophile-Based Device, Relieves Allergic Rhinoconjunctivitis Symptoms in Patients in an Environmental Exposure Chamber Model. The Journal of Allergy and Clinical Immunology 127 (2):AB202
  6. Unfried K, Kroker M, Autengruber A, Gotic’ M, Sydlik U. (2014) The compatible solute ectoine reduces the exacerbating effect of environmental model particles on the immune response of the airways. J Allergy (Cairo) Epub
  7. Werkhäuser N, Bilstein A, Sonnemann U. (2014) Treatment of allergic rhinitis with ectoine containing nasal spray and eye drops in comparison with azelastine containing nasal spray and eye drops or with cromoglycic Acid containing nasal spray. J Allergy (Cairo) Epub
  8. Bilstein, A. and Sonnemann, U. (2011) Nasal spray and eye drops containing ectoine, a novel natural, non-drug anti-allergic substance are not less effective than azelastine nasal spray and eye drops in improving the symptoms of allergic rhinitis and conjunctivitis. 30th Congress of the European Academy of Allergy and Clinical Immunology 11-15 June 2011. EAACI . (GENERIC)
    Ref Type: Conference Proceeding
  9. Bilstein, A., Salapatek, A, Patel, P., and Lentzen, G. (2011) Topical treatments based on ectoine, a novel, non-drug, extremophile-based substance, relieves allergic rhinoconjunctivitis symptoms in patients in an environmental eexposure chamber model. 30th Congress of the European Academy of Allergy and Clinical Immunology 11-15 June 2011. EAACI . (GENERIC)
    Ref Type: Conference Proceeding
  10. Sonnemann U, Moeller E, Bilstein A. (2010) Ectoine-containing nasal spray – a medical device – is as effective as the pharmaceutical drug cromoglycate nasal spray in improving the symptoms of allergic rhinitis [Abstract]. Allergy 65:

Дерматологија

  1. Bünger J, Degwert J, Driller H. (2001) The protective function of compatible solute Ectoin® on the skin cells and its biomolecules with respect to UV-ratiation, immunosupression and membrane damage. IFSCC Magazine 4 (2):1-6
  2. Bünger J, Driller H. (2004) Ectoin: an effective natural substance to prevent UVA-induced premature photoaging. Skin Pharmacol.Physiol 17 (5):232-237
  3. Dirschka T. (2008) Ectoin® – Anwendung und Perspektiven für die Dermatologie. Akt.Dermatol. 34:115-118
  4. Heinrich U, Garbe B, Tronnier H. (2007) In vivo assessment of Ectoin: A randomized, vehicle-controlled clinical trial. Skin Pharmacol Physiol 20 (4):211-8
  5. Marini A, Reinelt K, Krutmann J, Bilstein A. (2014) Ectoine-Containing Cream in the Treatment of Mild to Moderate Atopic Dermatitis: A Randomised, Comparator-Controlled, Intra-Individual Double-Blind, Multi-Center Trial. Skin Pharmacol Physiol 27:57-65
  6. Vestweber, A.-M. (2009) Das Stressschutzmolekül MedEctoin® zeigt positive Ergebnisse bei der Psoriasis und in der topischen Applikation bei Patienten mit trockener, schuppiger Haut. Naturheilpraxis mit Naturmedizin 09/2009, 2-7. (GENERIC)
    Ref Type: Magazine Article

Пулмологија

  1. 2013) COPD Naturstoff bremst Entzündung. Gero’s internationaler Medizin-Report 5, 38-39. (GENERIC)
    Ref Type: Magazine Article
  2. Peuschel H, Sydlik U, Haendeler J, Büchner N, Stöckmann D, Kroker M, Wirth R, Brock W, Unfried K. (2010) c-Src-mediated activation of Erk1/2 is a reaction of epithelial cells to carbon nanoparticle treatment and may be a target for a molecular preventive strategy. Biol.Chem. 391 (11):1327-1332
  3. Peuschel H, Sydlik U, Grether-Beck S, Felsner I, Stöckmann D, Jakob S, Kroker M, Haendeler J, Goti M, Bieschke C, Krutmann J, Unfried K. (2012) Carbon nanoparticles induce ceramide- and lipid raft-dependent signalling in lung epithelial cells: a target for a preventive strategy against environmentally-induced lung inflammation. Part Fibre Toxicol. 9 (48)
  4. Sydlik U, Gallitz I, Albrecht C, Abel J, Krutmann J, Unfried K. (2009) The compatible solute ectoine protects against nanoparticle-induced neutrophilic lung inflammation. Am.J.Respir.Crit Care Med. 180 (1):29-35
  5. Sydlik U, Peuschel H, Paunel-Görgülü A, Keymel S, Krämer U, Weissenberg A, Kroker M, Seghrouchni S, Heiss C, Windolf J, Bilstein A, Kelm M, Krutmann J, Unfried K. (2013) Recovery of neutrophil apoptosis by ectoine: a new strategy against lung inflammation. Eur Respir J 41:433-442
  6. Unfried K, Sydlik U, Peuschel H, Albrecht C, Bilstein A, Krutmann J. (2010) The compatible solute ectoine prevents neutrophilic lung inflammation induced by environmental model nanoparticles in vivo [Abstract]. European Respiratory Journal 36:
  7. Eichel A, Wittig J, Sha-Hosseini K, Mösges R. (2013) A prospective, controlledstudy of SNS01 (ectoine nasal spray) compared to BNO-101 (phytotherapeutic dragées) in patients with acute rhinosinusitis. CMRO Epub ahead of print

Офталмологија

  1. Dwivedi M, Backers H, Harishchandra R, Galla H. (2014) Biophysical investigations of the structure and function of the tear fluid lipid layer and the effect of ectoine. Part A: Natural meibomian lipid films. Biochim Biophys Acta Epub ahead of print
  2. Dwivedi M, Brinkkötter M, Harishchandra R, Galla H. (2014) Biophysical investigations of the structure and function of the tear fluid lipid layers and the effect of ectoine. Part B: Artificial lipid films. Biochim Biophys Acta Epub

Ектоин

  1. Galinski EA, Pfeiffer HP, Truper HG. (1985) 1,4,5,6-Tetrahydro-2-methyl-4-pyrimidinecarboxylic acid. A novel cyclic amino acid from halophilic phototrophic bacteria of the genus Ectothiorhodospira. Eur J Biochem 149 (1):135-9
  2. Arakawa T, Timasheff SN. (1985) The stabilization of proteins by osmolytes. Biophys J 47 (3):411-4