Опис
Babytol D3 + K1 е комбинација на витамини неопходни за Вашето бебе од самото раѓање.
Овие витамини се наменети за внес кај новороденчиња кои се на доење со мајчино млеко, бидејќи мајчиното млеко не ги содржи во доволни количини.
Дополнително, бебињата кои се на мешана исхрана и примаат до два оброка адаптирана млечна формула на ден, треба да користат Babytol D3 + K1.
Витаминот Д3 е „витамин на сонцето“. Се препорачува во дневна доза од 400 ИЕ од 8-ми ден од раѓањето бидејќи е исклучително важен за правилен раст на коските и забите. Недостаток на витамин Д3 може да предизвика кршливост на коските, деминерализација и меки коски или болест наречена рахитис.
Витаминот К1 се нарекува и „витамин на коагулација“. Препорачливо е да се користат 25 мкг на ден, од 8-ми ден до крајот на третиот месец по раѓањето, бидејќи витаминот К е исклучително важен за синтеза на факторите на коагулација и здрав крвен систем на бебето. Поради неговиот недостаток, може да се појави крварење и тешки заболувања што за среќа се ретки.
Со земање на една капсула на ден, ќе бидете целосно сигурни дека вашето бебе ги прима потребните витамини за здрав раст и развој.
