Опис
Како есенцијална супстанца, организмот не може самиот да го произведува, затоа секогаш мора да се внесува како состојка во храната или додаток на исхраната.
Најважно дејство на витамин Е во организмот е неговото антиоксидантно дејство затоа што ги штити сите телесни клетки и органи од разорувачко дејство на слободните радикали и на тој начин го спречува нивното предвремено стареење и пропаѓање. Како најефикасен липосолубилен антиоксидант во биолошките мембрани на критичните клеточни структури, истите ги штити од оштетување од слободните радикали кои се причина за настанување на заболувања.
Недостатокот на витамин Е се манифестира со замор, проблеми со концентрација, ослабен имунолошки систем, анемија, ниско ниво на тиреоидни хормони, проблеми со видот, раздразливост, депресија и др. Бројни научни истражувања покажаа дека дополнително внесување на овој витамин овозможува вистински благодет како превентивно средство или како додаток на вообичаената терапија.
Витамин Е како дополнително средство се употребува за заштита на имунолошкиот систем, особено кај постарата популација и како превенција и дополнителна терапија на кардиоваскуларни (посебно ги штити крвните садови и спречува атеросклероза), ревматоидни и имунолошки заболувања. Погоден е како превенција кај заболувања на очите бидејќи го намалува ризикот од катаракта и макуларна дегенерација. Витамин Е се користи во превенција на губиток на меморија, при третман на средно тешка деменција кај Алцхајмерова болест. Има значајна улога во заштита на црниот дроб. Бидејќи помага кај симптомите на дијабетска невропатија се користи при третман на дијабетес. Се употребува за нега на кожата, за побрзо заздравување на рани и зголемена толеранција кон UV зраците заедно со витамин Ц.
Витамин Е учествува во формирање на репродуктивни клетки и ја подобрува плодноста на двата пола. Помага и во спречување на спонтан абортус, а се препорачува и при менопаузален синдром.
Значително помага и во намалување на нивото на оксидантскиот стрес на мускулното ткиво по физичката активност.
Предности на Synergy VITAMIN E 400IU:
- Составот на капсулата е Д-алфа токоферол, природен облик на витамин Е кој организмот максимално го искористува
- Максимална апсорпција
- Едноставно дозирање
